 |
 |
Leikskólinn Laugasól er við Leirulæk 4-6 í Reykjavík og er rekinn af Reykjavíkurborg. Leikskólinn tók til starfa 1. júlí 2011. Leikskólinn er í tveimur húsum sem nefnast Laugaborg og Lækjaborg.
Leiðarljós leikskólans eru: Virðing, Fjölbreytileiki og Sköpun.
Megináherslur í menntun og uppeldisstarfi leikskólans er frjáls leikur, skapandi starf og umhverfismennt.
Í frjálsum leik eflist læsi og samskipti. Börnin skiptast á skoðunum, leysa verkefni saman og tjá sig með fjölbreyttum hætti með ólíkum efnivið. Með því að nota opinn efnivið í frjálsum leik gefst þeim tækifæri til að þróa leikinn og hugmyndir sínar.
Í skapandi skólastarfi fá börnin tækifæri til að kanna og vinna með fjölbreytt leikefni og aðferðir. Áhersla er á sköpunarferlið sjálft og námið sem á sér stað þegar hugmyndir, tilfinningar og ímyndunaraflið fær að njóta sín. Hvatt er til skapandi hugsunar og sjálfstæðra vinnubragða.
Í umhverfismennt er lögð áhersla á að börnin verði læs á umhverfi og náttúru og kynnist
fjölbreytileikanum í samfélagi og menningu. Þau læra að beita gagnrýninni hugsun, spyrja
spurninga, upplifa, skoða og skilja.
Endurvinnsla og endurnýting er alltaf í gangi og í stöðugri þróun. Laugasól fékk Grænfánann í fyrsta sinn í desember 2013.
Í Laugasól eru 147 börn á sjö deildum. Í húsi Lækjaborgar eru yngri börnin og í húsi Laugaborgar eru eldri börnin. Leikskólinn opnar kl. 7:30 og lokar kl. 17:00.
Leikskólastjóri er Helga Ingvadóttir This e-mail address is being protected from spambots. You need JavaScript enabled to view it.
Aðstoðarleikskólastjóri er This e-mail address is being protected from spambots. You need JavaScript enabled to view it.
 |
 |
Laugaborg Lækjaborg