Laugasól hefur tekið þátt í verkefninu Fljúgandi teppi/Menningarmót í nokkur ár og árið 2015 varð leikskólinn formlegur Menningarmótsskóli. Laugasól mun því vinna með verkefnið ár hvert og hefst það nú í ár mánudaginn 5. mars og lýkur með Menningarmóti föstudaginn 16. mars.

Markmiðið með verkefninu er að börn og starfsmenn kynnist menningu og áhugamáli hvers annars. Það þarf ekki endilega að vera þjóðarmenning heldur það sem skiptir mestu máli fyrir hvern og einn. Í verkefninu er ferðast á milli menningarheima eins og á Fljúgandi Teppi, við skemmtum okkur, lærum saman, finnum það sem við eigum sameiginlegt og gleðjumst yfir því sem er nýtt og spennandi.

Verkefninu lýkur með Menningarmóti þar sem börnin kynna menningu sína og áhugamál í
hvetjandi umhverfi og á lifandi hátt. Börnin verða með sitt svæði og kynna sína persónulega menningu. Allir eru þátttakendur og áhorfendur um leið og fá tækifæri til að tjá sig í öruggu umhverfi.

Foreldrar eru boðnir velkomnir á Menningarmótið 16. mars frá 15:00-16:00.

Hér til hliðar, hægra megin á heimasíðunni er tengill merktur verkefninu þar er að finna meiri upplýsingar um verkefnið.