Nemar í leikskólakennarafræðum frá HÍ verða í Laugasól í vettvangsnámi frá 4. mars - 22. mars. Þær heita: Brynja hjá Hönnu á Ljúfalæk, Rakel hjá Ragnari á Ljúfalæk, Stefanía hjá Huldu á Fagralæk, Magdalena hjá Oddný á Mánalæk og Júlíana hjá Þórdísi á Draumalæk.

Verkefnið Fljúgandi teppi - Menningarmót byrjar mánudaginn 11. mars og lýkur með Menningarmóti föstudaginn 22. mars.

Markmiðið með verkefninu er að börn og kennarar kynnist menningu og áhugamáli hvers annars. Í verkefninu er ferðast á milli menningarheima eins og á Fljúgandi Teppi, við skemmtum okkur, lærum saman, finnum það sem við eigum sameiginlegt og gleðjumst yfir því sem er nýtt og spennandi.

Verkefninu lýkur með Menningarmóti þar sem börnin kynna menningu sína og áhugamál. Börnin verða með sitt svæði og kynna sína persónulega menningu. Allir eru þátttakendur og áhorfendur um leið og fá tækifæri til að tjá sig í öruggu umhverfi.

Hér til hliðar, hægra megin á heimasíðunni er tengill merktur verkefninu þar er að finna meiri upplýsingar um verkefnið.